Newid Bywydau: Home-Start Cymru yn Dathlu Grym Gwirfoddoli yn Adroddiad Effaith Ysbrydoledig 2024–25

Cymru – 1 Gorffennaf 2025 – Mae Home-Start Cymru wedi cyhoeddi ei Adroddiad Effaith 2024–25, gan ddangos blwyddyn o gynnydd ystyrlon, cysylltiadau cymunedol dwfn a’r effaith drawsnewidiol mae gwirfoddolwyr ymroddgar wedi’i chael ar deuluoedd ledled Cymru.

Mae’r adroddiad yn pwysleisio’n glir: gwirfoddolwyr yw calon Home-Start Cymru. Gyda chynnydd o 12% mewn gwirfoddolwyr newydd ac ymrwymiad i Strategaeth Wirfoddoli tair blynedd newydd, mae’r elusen nid yn unig yn ehangu ei chyrhaeddiad ond hefyd yn ail-lunio gwirfoddoli modern sy’n hygyrch ac yn amrywiol.

“Mae gwirfoddoli’n rhoi boddhad anhygoel,” meddai Sheryl Evans, cyn wirfoddolwraig Home-Start Cymru ac erbyn hyn Maer Rhondda Cynon Taf. “Newidiodd fy mywyd, ac rwyf eisiau hyrwyddo gwirfoddoli ym mhob rhan o’m cymuned.”

Wedi’i Arwain gan Wirfoddolwyr, Wedi’i Siapio gan eu Llais

Mae Home-Start Cymru wedi gwella ei gynnig gwirfoddoli drwy wrando’n ofalus ar wirfoddolwyr. Mae Grŵp Llais Gwirfoddolwyr newydd yn cwrdd yn fisol i lunio’r gwasanaeth a dylanwadu ar ei ddatblygiad. Mae adborth trwy arolygon teuluoedd a gwirfoddolwyr wedi llywio gwelliannau i’r broses ymgeisio, hyfforddiant, ac opsiynau gwirfoddoli mwy hyblyg.

Gyda chymorth gan gyllid WCVA, mae’r elusen wedi cyflwyno rolau newydd, hyblyg—gan gynnwys opsiynau rhithiol a gwaith grŵp—sy’n galluogi mwy o bobl i gymryd rhan mewn ffyrdd sy’n cyd-fynd â’u bywydau.

Pam Mae Pobl yn Gwirfoddoli?

Dywedodd arolwg diweddar:

• 96.6% yn gwirfoddoli i helpu eraill
• 53% yn cael eu cymell gan brofiad personol
• 36% eisiau ennill sgiliau newydd neu symud tuag at waith neu addysg
• 33% yn chwilio am berthyn a chymuned

I lawer, mae gwirfoddoli’n fwy na rhoi amser—mae’n cynnig adfer hunaniaeth, magu hyder ac adeiladu pont i gyfleoedd newydd.

Astudiaethau Achos sy’n Ysbrydoli

Mae straeon dau wirfoddolwr yn dangos yn glir sut mae gwirfoddoli’n gallu newid bywydau:

• Mae Ellise Davies, Gweithiwr Cymorth Teulu gwirfoddol, yn defnyddio’i phrofiadau personol i adeiladu perthnasoedd gonest gyda theuluoedd. “Dwi ddim yn esgus – dwi’n mynd i mewn fel person go iawn, gyda chydymdeimlad ac awydd i helpu.”
• I Melanie Parsons, roedd gwirfoddoli’n gam at ail-ddarganfod pwrpas. Ar ôl 30 mlynedd yn gofalu am ei mab, dywedodd: “Ro’n i’n teimlo fy mod wedi colli fy hunaniaeth. Mae gwirfoddoli wedi rhoi’r teimlad ’na o werth personol yn ôl i mi.”

Canlyniadau Gwirioneddol i Deuluoedd

Y tu ôl i’r straeon ceir ffeithiau clir:

• 1,417 teulu wedi derbyn cymorth
• 2,532 o blant wedi’u cyrraedd
• 4,096 rheswm atgyfeirio, gan ddangos cymhlethdod y sefyllfaoedd

Mae 84% o deuluoedd wedi gweld gwelliant yng ngwybyddiaeth emosiynol eu plant, 87% wedi cryfhau eu dulliau magu, ac mae 78% wedi magu mwy o wydnwch emosiynol.

Edrych tua’r Dyfodol

Wrth baratoi i lansio ei strategaeth newydd, mae Home-Start Cymru yn parhau i ganolbwyntio ar ehangu ei sylfaen wirfoddolwyr, cryfhau partneriaethau, ac eirioli dros rieni a phlant yng Nghymru.

Yn ei geiriau olaf, meddai’r Prif Weithredwr Jayne Drummond:

“I bawb sydd wedi bod yn rhan o’n taith eleni—diolch o galon. Fe wnaethoch chi greu’r effaith yma. Gyda’n gilydd, gallwn sicrhau na fydd yr un teulu yng Nghymru yn teimlo’n unig.”

I ddysgu mwy am wirfoddoli neu gefnogi gwaith Home-Start Cymru, ewch i www.homestartcymru.org.uk